Hetimet për koncesionin e sterilizimit të paisjeve kirurgjikale në spitalet shqiptare, kanë përparuar me marrjen në pyetje të personave, që kanë ndjekur këtë procedurë.
Gjatë kësaj jave në SPAK, raportohet se është vijuar me marrjen në pyetje të disa prej anëtarëve të Komisionit të Vlerësimit të Ofertave, të cilët kanë treguar procedurën që kanë ndjekur, nga fillimi i nisjes e deri në fund, ku është shpallur fituese bashkimi i operatorëve ekonomikë, “Serviz Italia”, që përfaqësohej nga biznesmeni Ilir Rrapaj, i cili është konsideruar nga opozita si mik i afërm me ish-ministrin e Shëndetësisë, Ilir Beqja.
Pas shpalljes së vendimit të KPP-së me datë 10 korrik 2015, kompanitë “Investital Llc”, “Servizi Italia” S.p.a, “U.Jet S.r.l” dhe “Tecnosanimed”, kanë regjistruar një kompani të re në QKB, për të operuar me koncesionin, të quajtur “SaniService” Sh.p.k.
Ilir Rrapaj, një biznesmen i vogël shqiptar nga Peruxhia, pronar i një agjencie ndërmjetësimi dhe një kompanie ndërtimi, arriti që së bashku me Italianët, të shpallej fitues i koncesionit shumë të kontestuar me vlerë 100 milionë USD të Ministrisë së Shëndetësisë, për sterilizimin e pajisjeve kirurgjikale dhe sallave të operacionit.
E gjithë procedura e miratimit të këtij koncesioni përfundoi në prokurorinë e Tiranës, por çështja u pushua nga prokurori Endrit Bimi. Ndërsa SPAK nisi punën tre vite më parë, nisma “Thurje” iu drejtua prokurorisë me një kallëzim të ri, duke kërkuar hetimin e këtij koncesioni.
Tashmë prej 2 muaj, SPAK ka nisur të kryerë veprime hetimore, duke marë në pyetje anëtarët e KVO. Gjatë kësaj jave në pyetje është marë Saimir Kadiu. Ndërsa është thirur për të dëshmuar dhe kirurgu Arben Gjata, i cili ka qënë pjesë e Komisionit të Vlerësimit të Ofertave.
