Zi në futbollin algjerian! Ka ndërruar jetë mesfushori i Kombëtares së Algjerisë dhe USM Algers, Billel BenHamouda.
24-vjeçari vdiq në një aksident automobilistik teksa po kthehej në shtëpi, pasi luajti në një ndeshje miqësore për Fennec Foxes kundër DR Kongos.
Hamouda madje shënoi gol në fitoren 3-0 të ekipit të tij të enjten mbrëma. BenHamuda po udhëtonte në autostradë, i shoqëruar nga një mik, kur humbi kontrollin e makinës dhe u përplas me një shtyllë.
Automjeti ka marrë flakë dhe të dy kanë humbur jetën.
Një lajm i trishtë ky për futbollin algjerian, ku Liga e futbollit ka vendosur që të shtyjë ndeshjen e radhës mes ES Setif dhe USM Alger, të planifikuar për sonte në mbrëmje për ndeshjen e javës së 34-të të kampionatit vendas.
