Të tjera detaje raportohen lidhur me ngjarjen e rëndë të ndodhur në Tiranë, ku si pasojë e një shpërthimi të telekomanduar, humbi jetën 27-vjeçari Aleksandër Sadikaj.
Policia mësohet se ka sekuestruar kamerat e disa bizneseve në zonë, nga ku shpreson të identifikojë edhe autorin, ose autorët e ngjarjes.
Nga raportimet mësohet se dyshimet janë se autori/ët kanë qenë në një distancë jo më shumë se 700 metra nga objektivi i tyre, pasi kjo është edhe distanca maksimale që mund të funksionojë telekomanda.
Dyshimet e para janë se autorët ose kanë qenë në lëvizje me një automjet, duke ruajtur distancën, ose kanë qëndruar pranë zonës ku ndodhi shpërthimi.
Mësohet se shpërthimi ka ndodhur në një moment kur në aksin rrugor, pranë rrethrrotullimit të TEG nuk ka pasur një fluks qarkullimi, pasi dëmet mund të ishin edhe më të mëdha. Nga grupi hetimor po kqyren pamjet nga kamerat e sigurisë, qoftë sa i takon mjeteve që kanë qenë në lëvizje, makina apo motora, ashtu edhe zonën përrreth, me dyshimet se autorët mund të kenë qenë të stacionuar.
Gjithsesi deri më tani policia, përveç një informacioni paraprak lidhur me ngjarjen e rëndë, nuk ka dhënë informacione apo detaje mbi ngjarjen.
