“Ballkani Perëndimor duhet të anëtarësohet në BE deri në vitin 2033”. Kështu ka deklaruar kryeministri grek, Kyriakos Mitsotakis në Samitin e Procesit të Bashkëpunimit në Evropën Juglindore (SEEPC) që po mbahet në Selanik.
Mitsotakis e quajti si moment historik, që i gjithë Ballkani Perëndimor të jetë anëtarësuar në bllok deri në vitin 2033.
“Është një synim ambicioz për Ballkanin Perëndimor, por besoj se mund të jetë edhe real nëse ideja e zgjerimit kthehet në thelbin e thelbit të Bashkimit”, tha ai.
Mitsotakis argumentoi gjithashtu se enigma e stabilitetit që BE u ofron anëtarëve të saj, përfshirë Ballkanin Perëndimor, duhet të plotësohet. “Rajoni ynë do të përballet me sfidën e kohës: autonominë energjetike dhe sovranitetin. Kufij të paprekshëm dhe bashkëpunim fqinjësor”, u shpreh kryeministri grek.
“Evropa Juglindore, ky rajon i ndjeshëm i hartës botërore nga një zonë kontrastesh intensive dhe komplekse duhet të zhvillohet në një fushë kompozimesh krijuese”, tha Mitsotakis.
“Sidomos tani, në një kohë lufte dhe trazirash ndërkombëtare, i kërkohet të projektojë në mënyrën e vet rrugën e paqes dhe legjitimitetit ndërkombëtar, të sigurisë dhe prosperitetit të përbashkët. “Në këto boshte bazohet edhe Deklarata e Selanikut, e cila u miratua unanimisht dhe është një justifikim besoj për presidencën greke”, vijoi ai.
