Menaxheri i VIP-ave, Alesio Alia, në një intervitë televizive pak kohë më parë, tha se kishte pasur humbje nga koncerti që kishte mbajtur Nora Istrefi në Australi, gjë që solli dhe reagimin e këngëtares.
Mes tyre pati një përplasje virtuale. Nora shprehej se fjalët e Alesios janë të pabaza duke thënë se ai nuk ka treguar seriozitet dhe se arsyeja ishte zhgënjimi i fansave duke mos sjellë në koncert këngëtarët që i kishte premtuar publikut. Ajo shkruante se po tentonte që të njolloste karrierën e saj.
Së fundmi, ka ardhur dhe reagimi i Alesios, ku shprehet se ajo që tha ishte një përgjigje ndaj pyetjes që iu bë në intervistë dhe se deklarata e tij as nuk e ngre dhe as nuk e ul suksesin e saj 15 vjeçar. Ai shprehet ndër të tjera se këngëtarja nuk ka seriozitet në punë.
