Futbollisti i famshëm Lionel Messi ka marrë pjesë në një projekt që është shumë i ndryshëm nga ai që jemi mësuar të shohim deri më tani.
Ai ka marrë përsipër një rol në një serial televiziv. Skena e tij tashmë është xhiruar dhe ka përfunduar vetëm pak ditë më parë.
Sezoni i dytë i “Los Protectores” u xhirua në një sërë vendesh duke përfshirë Buenos Aires, por Messi e realizoi atë në Paris, në shtëpinë e tij që kur nënshkroi me PSG-në verën e kaluar. Do të duhet të presim deri në vitin 2023 për të parë interpretimin e Leo Messit, kur do të dalë pjesa e dytë e serialit argjentinas.
