Dy tifozë specialë kanë qenë të pranishëm në shkallët e stadiumit “Air Albania”, për të ndjekur nga afër duelin mes Shqipërisë dhe Izraelit, të vlefshme për Ligën e Kombeve, ata mbanin veshur dy fanella të Kombëtares, dhe në mënyrë krejt rastësore kanë bërë bashkë “opozitën” në stadium.
Te njëra fanellë, te ajo me ngjyrën jeshili shkruhej Berisha, ndërkohë te fanella e zezë, shkruhej Meta. Mbiemra këto që përkojnë me dy liderat e opozitës, Sali Berisha dhe Ilir Meta. Në mënyrë kretj spontane, dy djemtë e rinj kanë bërë bashkë në stadium “liderat opozitarë”.
