Aktori i humorit Agron Llakaj është revoltuar me tabelën e vendosur në zonën ku ndodhet tigri në Kopshtin e ri Zoologjik të Tiranës.
Në tabelën paralajmëruese në kafazin e tigrit shkruhet: “Ju lutemi qëndroni të sigurt! Tigrat i duan fëmijët por ata janë të vështirë për t’u tretur.
Kështu që ju lutemi qëndroni prapa”.
Teksa ka postuar foton e kësaj tabele në rrjetet sociale, Agron Llakaj shprehet se shprehja në atë tabelë është e shëmtuar dhe duhet të hiqet menjëherë.
“Mirëmëngjesi! Kjo tabelë është vendosur në Kopshtin Zoologjik të Tiranës…një shprehje e shëmtuar, nga kudo ku është marrë, duhet të hiqet urgjent. Më shumë se e shëmtuar.” -shkruan aktori.
Kopshti Zoologjik i Tiranës u inagurua pak ditë më parë ku prezent ishin kryetari i Bashkisë Erjon Veliaj dhe kryeminsitri Edi Rama.
Rama e cilësoi si një nga projektet më të rëndësishme dhe një nga hapësirat më argëtuese në kryeqytet.
