Aktivisti dhe avokati, Adriatik Lapaj ka bërë thirrje për protesta, kundër rritjes së çmimeve të karburanteve.
Në një postim që ka bërë në rrjetet sociale, ai thotë se Shqipëria është vendi i vetëm në botë që paguajmë 8 taksa dhe tarifa mbi çmimin e karburanteve, ndërsa bën thirrje që të në shenjë proteste, të ndalen makinat, dhe të mbyllen dyqanet.
Në reagimin në rrjetet sociale, shkruan:
“KOHA PËR TË PROTESTUAR NË ÇDO CEP TË SHQIPËRISË
Kudo ku jemi, t’i ndalim makinat. Të shpallim 1 ditë të protestës kombëtare e të refuzojmë abuzimin me çmimet. Të ndalim makinat! Të mbyllim dyqanet! Të refuzojmë të nënshtrohemi!
Ne jemi ndoshta vendi i vetëm në botë që paguajmë 8 taksa dhe tarifa mbi çmimin e karburanteve!
Taksa:
370 lekë akcizë;
270 lekë taksë qarkullimi;
30 lekë taksë karbon;
100 lekë taksë riliçensimi.
Tarifa të tjera që paguhen për koncesionarët privatë:
30 lekë tarifa e markimit dhe ajo e skanimit;
20 lekë tarifa e kontrollit te pompave;
Në fund, mbi 4 taksat shtetërore dhe 3 konçesionarët, shtohet edhe tatimi mbi vlerën e shtuar(TVSH):
TVSH mbi naftën është 20 % e çmimit final, ose rreth 400 lekë për litër.
Kjo e çon barrën totale të taksave që ne paguajmë për një litër naftë plot 1220 lekë për litër.
Pra në një litër naftë, që sot në treg shitet 2580 lekë, rezulton se rreth 1220 lekë janë taksa.
