Kleviol Ahmeti, i njohur si “Cllevio Serbiano”, u përfshi në një sherr me reperin Noizy dy ditë më parë. Video që tregonte momentin ku Noizy grushtonte Cllevion bëri xhiron e rrjeteve sociale dhe thuhet se shkak ka qenë ofendimet e shumta të Cllevios ndaj reperit.
Ndërkohë, një tjetër video që është realizuar pak kohë më parë, ku shihet Cllevio teksa ndjek babain e reperit, Bashkim Rajku, po qarkullon në rrjet.
Në një moment gjatë videos, reperi e ndalon Bashkimin dhe i thotë: “O xhaxh, po të përshëndes për qejf, edhe unë jam një nga ata që djali jot nuk e ka qejf. Po ti je baba dhe ke kampion djalin, pavarësisht se ne në rrugë, unë jam Cllevio Serbiano, respekte, gjujts nga Amerika”.
Kujtojmë se, në orët e para të mëngjesit të sotëm, iu vu tritol njërit prej bizneseve të Noizy-t.
