Pasi humbi gjyqin përballë Johnny Depp, një burrë nga Arabia Saudite ka shprehur dëshirë të martohet me aktoren Amber Heard. Ai i ka dërguar aktores një mesazh në profilin e saj në Instagram, ku i premton se do t’ia mbushë jetën me gëzim dhe lumturi.
“Amber, meqenëse të gjitha dyert të janë mbyllur, nuk ke njeri tjetër përveç meje që të kujdeset për ty. Vura re që disa njerëz të urrejnë dhe të ngacmojnë, ndaj vendosa të martohem me ty. Zoti na bekoftë. Ti je begati, por njerëzit nuk e vlerësojnë. Unë jam më i mirë se ai plaku”, thuhet ndër të tjera në mesazhin që ai i ka dërguar.
Mesazhi zanor u bë menjëherë viral në rrjetet sociale duke mbledhur rreth 100.000 dëgjime për vetëm disa orë.
