Schalke 04 ka zgjedhur edhe timonierin e ri që do t’i besojë çelësat e skuadrës për sezonin e ardhshëm. Bëhet fjalë për Frank Kramer, me 50-vjeçarin që ka firmosur një kontratë 2-vjeçare me skuadrën gjermane.
Kramer ka punuar me kombëtaret e moshave të Gjermanisë (Under 18, Under 19 dhe Under 20) dhe më pas ka pasur një eksperiencë në krye të Arminia Bielefeld.
Schalke u rikthye mes më të mirave të Gjermanisë pas një viti në purgator dhe tashmë synimi kryesor është qëndrimi mes më të mirëve në Bundesligë.
