Kreu i PD-së, Sali Berisha u shpreh këtë të Martë se Ballkani i Hapur nuk sjell asnjë të mirë për shqiptarët.
“Jam për të denoncuar takimin e aleancës trilaterale të Ohrit si një aleancë e rrezikshme për paqen dhe stabilitetin në Ballkan, që synon vendosjen e hegjemonisë serbe dhe influencës ruse në rajon”, tha Berisha për gazetarët pas një tryeze diskutimi me përfaqësues të biznesit.
“Si një aleancë që i kundërvihet procesit të integrimi europian dhe tregut të përbashkët rajonal në kuadër të nismës së Berlinit. Ky samit prodhon serbomavi e rusofili dhe asgjë të lirë për shqiptarët. Përshëndes qeveritë që refuzojnë anëtarësimit në këtë klub të Beogradit”, shtoi ai.
