Pas katër vitesh te Partizani, Kristi Kote do të largohet. Sezoni i fundit ishte i dhimbshëm për korçarin, pasi pjesën më të madhe e kaloi në ekipin U-21.
Në asnjë moment, 23-vjeçari nuk u bë zgjedhje e parë e Dajës dhe Mehmetit. Mesfushori nuk është në planet e stafit teknik dhe largimi është zgjidhja e vetme.
“Panorama Sport” mëson se Kote është ndarë me Partizanin. Në kontratën e tij, që skadonte pas dy sezonesh, ekzistonte një klauzolë largimi me një limit minutash.
Kote, i aktivizuar shumë pak, përmes asaj klauzole, ka shpallur divorcin me klubin.
