Klubi i Tiranës u shpall kampion i Shqipërisë sezonin që sapo u mbyll në Superiore, duke mbyllur me sukses një edicion futbollistik ku dominoi. Bardheblutë kanë disa ditë pushime, më pas do të fillojnë përgatitjet për kualifikueset e UEFA Champions League.
Sezoni i shkëlqyer i Tiranës, reflektohet edhe në vlerat e kartonit të lojtarëve, që janë rritur ndjeshëm në portalin e vlerave të futbollistëve, “Transfermarkt”. Vlera e Taualant Seferit ka kapur majat, plot 650 mijë euro, duke qenë dhe futbollisti më i vlerësuar në Superiore.
Në vend të dytë, është Redon Xhixha, vlera e të cilit është rritur në 450 mijë euro. Rritje në vlerë dhe për mesfushorin Ennur Totre, që ka qenë një ndër lojtarët më të mirë në futbollin shqiptar. 25-vjeçari vlerësohet 425 mijë euro.
