Një situatë alarmante ka qenë ajo që është krijuar sot në ishullin e Sazanit, për shkak të zjarreve.
Situata nga flakët ka dalë për një moment jashtë kontrollit dhe mësohet se ka pasur edhe shpërthime të predhave ushtarake, që janë prezente në atë zonë.
Zjarri ka marrë përmasa të mëdha dhe rreziku për shpërthime vazhdon që të jetë i pranishëm.
Prefektura dhe mbrojtja civile ende nuk ka kërkuar ndërhyrje nga ajri. Po punohet me mjete rrethanore.
Municionet rrezik edhe për ushtarët e punonjës të zonave të mbrojtura që gjenden ende në terren. Në Sazan gjenden: agjencia kombetare e bregdetit, zonat e mbrojtura, zjarrfikeset, ushtria dhe forcat speciale.
Në lidhje me situatën, ka pasur reagime nga presidenti Meta, kryetarja e LSI Monika Kryemadhi, që janë alarmuar për atë që po ndodh në Sazan.
