Vllaznia është kampione e Kategorisë Superiore për grupmoshën U-17 pasi mposhti skuadrën e Shënkollit në finalen e madhe të këtij sezoni futbollistik!
Pjesa e parë e lojës ishte mjaft e balancuar, me të dyja skuadrat që krijuan raste në portat kundërshtare, teksa ishin shkodranët ata që kaluan të parët në avantazh dy minuta para mbylljes së pjesës së parë, duke shfrytëzuar mirë momentin.
Sakaq, në fraksionin e dytë, djemtë e Vllaznisë realizojnë edhe katër gola të tjerë në minutat 49-të, 52-të, 59-të dhe 90-të ku spikati tregolëshi i Zaganjorit, duke i dhënë triumfin shkodranëve për këtë grupmoshë, pas një sezoni fantastik!
Në përfundim të kësaj sfide finale u zhvillua edhe ceremonia e kurorëzimit të kampionëve U-17, në këtë edicion, Vllaznia, me anëtarin e Komitetit Ekzekutiv të FSHF-së, Gjergji Petro që i dorëzoi Kupën Vllaznisë U-17.
