Ka zgjatur vetëm 20 minuta takimi i Kryeministrit Edi Rama me Shefin e Shtabit të Përgjithshëm të FA-ve, Bajram Begaj, i cili sot u propozua nga Kryesia e PS si kandidat për President.
Pak minuta pas përfundimit të mbledhjes së Kryesisë në selinë e PS, Rama ka pritur në takim Begajn.
Takimi ka zgjatur vetëm 20 minuta pasi nisi në orën 20:30 dhe përfundoi në orën 20:50. Takimi duket se ka qenë formal, për të vijuar procesin e zgjedhjes së Presidentit të vendit në raundin e 4-rt, kur mjaftojnë vetëm 71 vota.
Të nesërmen pas mbledhjes së firmave të deputetëve të PS, në seancën plenare të Kuvendit që do të mbahet në orën 18:00 pritet që Begaj të votohet si president i ri i vendit.
