Kryesia e PS prej gati 90 minutash po diskuton mbi një listë emrash që janë kandidatë për postin e Presidentit të ri të vendit. Nga raportimet mësohet se për të ruajtur hermetikisht procesin, që në fillim të mbledhjes, anëtarëve të Kryesisë iu është kërkuar të dorëzojnë telefonat celularë, duke shkëputur kështu çdo mundësi për rrjedhje informacioni.
Në media kanë qarkulluar një seri emrash që nisin me Ardian Dvoranin dhe përfundojnë me Majlinda Bregun, ndërsa publikisht negociatorët e caktuar nga Edi Rama, Taulant Balla dhe Damian Gjiknuri kanë deklaruar se janë 10 kandidatë, por nuk kanë dhënë emra.
Emri që do të dalë nga Kryesia, më pas do të kërkojë mbështetje me firma, të paktën 20, siç përcakton Kushtetuta.
Për këtë ditën e nesërme, në orën 10:00 do të mblidhet Grupi Parlamentar i PS-së, ku do të ketë një unifikim i të gjithë deputetëve për vetëm një emër për President, që do ta kalojë për votim në Parlament.
Kjo dhe për të mbledhur të gjitha votat e PS-së rreth një emri dhe për të shmangur një dështim të mundshëm edhe të raundit të 4-të.
