Deputeti i Partisë Socialiste, Erion Braçe, me anë të një postimi në rrjete sociale ka reaguar në lidhje me rritjen e çmimit të naftës në vend.
Braçe ka shkruar në postimin e tij se në 31 maj çmimi ishte 120 dollarë për fuçi, ndërsa tashmë në bursë ka rënë në 112-113 dollarë për fuçi.
Ai ka shtuar se meqënëse karburantet në Shqipëri supozohet të ndjekin bursën, i bie që të reflektohet çmimi automatikisht.
Reagimi i deputetit socialist ka ardhur pasi një ditë më parë Bordi i Transparencës caktoi si çmim të shitjes me pakicë të naftës 248 lekë për litër.
