Orges Shehi do të drejtojë Tiranën edhe për një sezon tjetër. Presidenti Halili dhe tekniku durrsak gjetën gjuhën e përbashkët dhe do të vijojnë bashkëpunimin midis tyre edhe për sezonin 2022-2023.
Padyshim që fitimi i titullit të 26-të kampion me Tiranën ishte çelësi i arritjes së kësaj marrëveshje.
Njoftimi i Tiranës:
“Orges Shehi do të vijojë të jetë pjesë e bardhebluve edhe në sezonin e ri. Tekniku dhe presidenca kanë arritur marrëveshjen për zgjatjen e bashkëpunimit. Puna e mirë, karriera e pasur dhe fitimi i titullit të 26 të klubit si edhe i pari i tij personal si trajner e mbajnë Shehin në krye të bankinës bardheblu edhe në sezonin e ardhshëm.”
