Pyjet e Oroshit në Mirëditë janë përfshirë nga një zjarr që po përhapet me shpejtësi, për shkak të erës së fortë e temperaturave të larta.
Ende nuk dihen shkaqet e zjarrit që ka rënë këtë të mërkurë në këtë zonë.
Sipërfaqja e vatrës së zjarrit është 4 hektarë, ndërsa drejt saj janë nisur punonjës të shërbimit pyjor e zjarrfikës nga Mirdita.
Oroshi ndodhet në afërsi të kufirit administrativ me Kukësin dhe siç ka ndodhur vitet e tjera, në rast të mos kufizimit të kësaj vatre përhapja e zjarrit mund të përfshijë edhe pyjet në zonën e Arrnit dhe atë të Malziut pranë tunelit te Kalimashit.
Vera e kaluar mbahet mend për zjarret masive që përfshinë pyjet në këtë zone deri në thellësi të territorit të Kukësit përgjatë vargmaleve, që ndodhen mbi tunelin e Kalimashit.
