Ardi Krymi e mbylli në mënyrën më të mirë të mundshme aventurën 8-vjeçare me Vllazninë, teksa tashmë do të vijojë karrierën në Bjellorusi tek Shakhtjor Soligorsk. Mesfushori shkodran, u aktivizua titullar në finalen e Kupës ndaj Laçit, duke u larguar kështu me trofe nga skuadra e tij e zemrës.
Ndërkohë ditën e sotme, nëpërmjet një njoftimi zyrtar, Vllaznia është përshëndetur me Krymin, duke e falënderuar për kontributin dhe sakrificën në këto 8 vite si dhe i ka uruar suksese në skuadrën e re.
NJOFTIMI ZYRTAR I KLUBIT TË VLLAZNISË:
8 vjet me Vllazninë, 8 vjet kontribut e sakrificë si pakkush tjetër. 8 vjet dashni pa fund për ngjyrat kuqeblu!
Faleminderit për gjithçka që dhe për Vllaznin!
Suksese në skuadrën tënde të re!
