Presidenti i Turqisë, Recep Tayyip Erdogan zhvilloi një bisedë telefonike me homologun e tij ukrainas, Volodymyr Zelensky ku diskutuan luftën në Ukrainë, vazhdimin e negociatave të paqes dhe rëndësinë e krijimit të korridoreve të sigurta.
Sipas një deklarate, presidenti Erdogan e informoi homologun e tij ukrainas se Turqia kishte bërë çdo përpjekje për të nxitur vazhdimin e negociatave mes Ukrainës dhe Rusisë dhe se ishte e gatshme për të ofruar më shumë mbështetje, duke përfshirë ndërmjetësimin.
Erdogan tha gjithashtu se një rëndësi të veçantë kishte krijimi i një korridori të sigurt për eksportin e produkteve bujqësore të Ukrainës nga deti.
