Deputeti Luan Baçi komentoi në edicionin e pasdites në Syri Tv zgjedhjen e Kryesisë së re të Partisë Demokratike. Baçi tha se ishte një votim si asnjëherë më parë, transparent dhe demokratik.
“Numërimi i votave ishte online, në ekran, i dukshëm për të gjithë kandidatët. Të jesh anëtar i Kryesisë së PD nuk është vetëm privilegj, por përgjegjësi e madhe.”-tha Baçi.
Më tej ai deklaroi se hapja e PD nuk është tek numri që mund të kenë institucionet e partisë.
Çdo njeri mbushte fletën se jam anëtar i PD, por s’bënin asnjë aktivitet në PD.
Nuk e quaj hapje të PD numrin e madh të anëtarëve në Kuvend. PD është një, e të gjithëve.“-u shpreh Baçi.
Më tej ai tha se Alibeaj vazhdon të luajë lojën e Edi Ramës.
“E pamë me qëndrimin e tyre për zotin Miraka. Alibeaj i ka dhënë urdhër atyre 5 deputetëve që mos të firmosin për zotin Miraka.
Berisha e ka firmosur, se është deputet si gjithë të tjerët, tani është dhe kryetar i Partisë Demokratike.”-tha Baçi.
