Dy ditë më parë, Real Madrid fitoi Champions League, teksa mundi 1-0 Liverpool. Futbollisti i PSG, Lionel Messi në një intervistë të dhënë për TYC Sports, deklaroi se madrilenët nuk e merituan, pasi në këtë kompeticion kishte ekipe më të mira. Gjithashtu, Messi lë të kuptohet se ky trofe i ka mbetur peng, për vetë mënyrën sesi shkuan gjërat.
“Fitorja e Real Madridit na vrau. Për mua dhe për ekipin, e gjithë dhoma e zhveshjes, si dhe gjithë Parisi, ai kompeticion na kishte krijuar një iluzion të madh dhe më pas, për mënyrën se si shkoi ndeshja, rezultati ishte një goditje e rëndë.
Jo gjithmonë fiton më i miri. Reali, pa hequr asgjë nga meritat e tyre, nuk ishte ekipi më i mirë i këtij edicioni, megjithatë i mundi të gjithë pretendentët” – tha ai.
