Avokati Genc Gjokutaj deklaroi në emisionin ‘Çim Peka Live’ në Syri Tv se gara që është zhvilluar brenda Partisë Demokratike dhe të gjitha proceset për ta rithemeluar, nuk janë një ogur i mirë për mazhorancën.
Sa i përket ankimimit të Alibeajt për vendimin e gjykatës që njohu 11 dhjetorin, Gjokutaj u shpreh se ky i fundit së bashku me Ramën tentuan të zhbëjnë PD-në
Sakaq, avokat Gjokutaj deklaroi se Partia Demokratike tashmë në dorë të Berishës nuk është më si e djeshmja që humbte në çdo zgjedhje dhe nuk respektonte votën e lirë.
“Gara në PD nuk është një ogur i mirë për mazhorancën. Këta që ankimojnë statutin, Rama dhe Alibeaj, prapa kuintave janë më shumë se këta që janë përpara.
Këta e bënë ankimimin që të dalin sot të thonë që PPE nuk e pranon. Me paramendim për ta zhbërë PD-në.
PD nuk është më si e djeshmja, që shmangte votën, humbëse me radhë të tëra. Nesër i ka të gjitha mundësitë të garojë pa maska.”-tha Gjokutaj në emisionin ‘Çim Peka Live’.
