Boston Celtics është shpallur kampion në Konferencën e Lindjes, duke siguruar të drejtën të luajë në finale për titullin në NBA. Skuadra e Celtics fitoi 100-96 ndaj Miami Heat në finalen e shtatë play off.
Skuadra e Miami nuk arriti të shfrytëzojë faktin se sfida e fundit finale mes dy skuadrave luhej në fushën e saj, duke humbur pas një ndeshje me shumë rivalitet.
Takimi ishte i hapur deri në fund, teksa të dy ekipet e kërkuan fitoren. Për Boston u dallua ylli i skuadrës Jayson Tatum, me 26 pikë, 10 rebound dhe 6 asiste, mbështetur edhe nga Jaylen Broën e Marcus Smart, me nga 24 pikë secili.
Në kahun tjetër, Jimmy Butler realizoi 35 pikë e Adebayo 25, por që nuk mjaftuan. Përballë Celtics në finale do të jetë Golden State Ëarriors, prej disa ditësh kampion në Perëndim.
Një finale që vë përballë dy skuadra të jashtëzakonshme por të ndryshme nga njëra-tjetra. Ëarriors udhëhiqen nga treshja Curry, Thompson, Green të cilët në të kaluarën janë shpallur 3 herë kampionë të NBA dhe kanë të gjithë eksperiencën dhe talentin e mjaftueshëm për të bërë historinë.
Nga ana tjetër, Boston Celtics, është një skuadër që në thelb mbështetet te fryma e grupit dhe mbrojtja asfiksuese për kundërshtarët, ndërsa në përbërje kanë edhe një yll si Jayson Tatum i cili vetëm në moshën 24-vjeçare është një nga lojtarët më të rëndësishëm në basketbollin amerikan.
