Moti i keq që ka përfshirë këtë të diel vendin ka sjellë probleme jo të pakta edhe në Rinas.
Shumë avionë nuk kanë mundur dot që të ulen në pistë, për shkak të lagështirës.
Për shkak të kushteve të vështira atmosferike, avioni i nisur nga Nice për në Tiranë, nuk ka prekur tokën shqiptare.
Ky avion është detyruar që të bëjë ulje emergjente në Brindizi të Italisë.
Mediat bëjnë me dije se edhe një avion, nisur nga Dortmundi i Gjermanisë për në Tiranë është detyruar të bëjë ulje emergjente në Bari.
Këtë kaos e ka sjellë moti i keq në Shqipëri, që ndryshoi në pak orë në mënyrë radikale.
