Një tërmet i fortë goditi brigjet e Timorit Lindor në Oqeanin Indian, duke u ndjerë deri në Australi. Tërmeti ishte me magnitudë 6.4 i shkallës Rihter.
Dëshmitarët thanë se lëkundjet e tërmetit ishin të forta dhe vrapuan të dilnin nga banesa. Deri tani nuk ka raportime për persona të lënduar.
Lëkundjet e forta të tërmetit ngjallën panikun për ndonjë cunami të mundshëm.
Por Shërbimi i Meteorologjisë njoftoi se nuk ka rrezik për cunami në Australi. Edhe Agjencia Indoneziane e Meteorologjisë tha se tërmeti nuk shkaktoi paralajmërim për cunami.
