Kreu i PD-së, Sali Berisha u shpreh se akoma nuk është publikuar lista e kandidatëve për Kryesinë e partisë, që do të votohet nga këshilli kombëtar.
Ai tha se statuti i partisë i propozon kryesisë së partisë listën e emrave, ku këtë funksion e merr Komisioni i Rithemelimit dhe ai do të mblidhet sot pasdite për të shqyrtuar kandidaturat.
“Statuti parashikon që kryetari i Partisë i propozon kryesisë së partisë listën e emrave. Në këtë rast, kryesia partie sipas vendimit të Kuvendit, këtë funksion e merr Komisioni i Rithemelimit dhe ai do të mblidhet sot pasdite për të shqyrtuar kandidaturat. Propozimet unë nuk mund t’i bëj publike, para se t’ia them Komisionit”, bëri me dije Berisha gjatë konferencës së sotme për mediat.
