Roma arriti të shpallet fituese në edicionin e parë të “Coference League”, duke mundur me rezultatin 1-0 ekipin e Feyenoord. Lojtari i përfaqësueses shqiptare, Marash Kumbulla ka folur për “Super Sport” pas sfidës, duke treguar hapur emocionet.
“Kjo është dita më e lumtur e jetës time. Nuk kishte gjë më të bukur se sa të festoja me tifozët shqiptarë në këtë stadium. E kishim pritur shumë këtë ditë dhe shpresojmë të vazhdojmë me suksese të tjera”, ka thënë fillimisht Kumbulla për “Super Sport”.
Më pas i pyetur për faktin se Murinjo ka deklaruar se Kumbulla do të qëndrojë edhe sezonin tjetër në Romë, mbrojtësi i Kombëtares u shpreh: “Po, ndihem mirë te Roma. Dua që të vazhdojmë me një tjetër sezon ku të bëjmë mirë. Trajneri beson tek unë dhe shpresoj të kem minutat e mia”.
