Partizani ka përmbysur Laçin duke kaluar për herë të parë në avantazh. Sfida u zhbllokua shumë shpejt teksa në minutën e 8-të, Zylfiu ndëshkoi të kuqtë. Pas një aksioni të rrjedhshëm, Ujka servir bukur për Zylfiun që gjuan bukur me të majtën brenda zonës, duke përshëndetur rrjetën.
Partizani vendosi baraspeshën në minutën e 32-të me anë të Stenio Junior. Braziliani përfiton nga kaosi brenda zonës, provon me një gjuajtje, topi devijohet dhe përfundon në rrjetë.
Ndërkohë për të përmbysur shifrat mendoi Murataj në minutën e 42-të.Mesfushori goditi saktë me kokë brenda zonës, duke realizuar golin e parë për këtë sezon.
