Ka përfunduar kontrolli i anijes me qymyr ku u zbulua një sasi e konsiderueshme droge në portin e Durrësit më 17 maj.
Nga kontrolli janë zbuluar vetëm dy çanta me 53 pako me drogë.
Mësohet se nga kontrolli imtësishëm rezultoi se në hambarin e anijes ndodheshin vetëm 59 kg kokainë. Ndërsa disa kg u shpërdoruan pasi njëra nga çantat u dëmtua nga kova mjetit që shkarkonte qymyrin.
Anija është bllokuar dhe qëndron me shërbim roje deri në një urdhër të dytë. Droga dyshohet të jetë futur në ngarkese në Kolumbi.
Ndërkohe mësohet se ekuipazhi do të qendrojë në anije deri në përfundim të hetimit.
