Ndoshta prisnit që Lulzim Basha, ish-Kryetar i PD, të ishte pranë tifozëve holandezë nga Roterdami që kanë ardhur në Tiranë për të mbështetur ekipin e Feyenoord që mbrëmjen e sotme përballet me Romën në finalen e Conference League.
Por në fakt Basha ka zgjedhur Dajtin, atje ku ka mbledhur disa nga mbështetësit e tij. Prej momentit kur iku si kryetar i PD, Lulzim Basha, tashmë deputet i PD, shfaqet në takime të ndryshme, të cilat interpretohen si shenjë falenderimi për ata që konsiderohen si mbështetës të tij.
Ndërkohë që ka humbur Partinë Demokratike, e cila drejtohet tashmë nga Sali Berisha, por kontrollon disa nga deputetët e Grupit Parlamentar, Basha pothuajse është tërhequr fare nga debatet politike,në të cilat është angazhuar Enkelejd Alibeaj apo Gazment Bardhi.
