Konferenca e Kryetarëve është mbledhur pasditen e së Martës për të vendosur datën e raundit të tretë për zgjedhjen e presidentit të ri, pasi 2 raundet e para dështuan për shkak të mungesës së emrave.
Kreu i grupit parlamentar të Partisë Socialiste Taulant Balla propozoi datën 30 maj, ora 10:00 për mbajtjen e raundit të tretë për zgjedhjen e presidentit.
“Raundi i radhës, 30 maj ora 10:00. Shpresoj të kemi votim dhe zgjedhjen e presidentit”, tha Balla.
Balla tha se PS nuk do të propozojë kandidatë më 30 maj.
Nga ana tjetër, Enkelejd Alibeaj u shpreh se mazhoranca ka si synim të vetëm që të zgjedh vetë Presidentin e vendit.
“Kërkuam një proces të përbashkët ku opozita të mos ishte një mbushëse, u tërhoqën. Duan të shkojnë tek raundi i 4, ne kemi bërë atë që është detyrimi ynë”, tha Alibeaj.
30 Maji u votua si dita e votimit të raundit të tretë për zgjedhjen e Presidentit, megjithatë nuk u arrit një dakordësi mes mazhorancës e opozitës.
Mesa duket, Presindeti do zgjidhet pas raundit të tretë nga mazhoranca në mënyrë të njëanshme.
