25-vjeçari Ludian Zaimi, me detyrë efektiv i patrullës së përgjithshme, vrau kolegun e tij, Çush Saliasi, 55 vjeç.
Ngjarja tragjike ndodhi brenda ambienteve të Komisariatit Nr.3 në Tiranë.
Pas një sherri verbal për arsye banale, Zaimi ka marrë armën e shërbimit dhe ka qëlluar disa herë drejt drejt Saliasit, duke i shkaktuar plagë të rënda.
Edhe pse është transportuar menjëherë me një automjet policie, 55-vjeçari humbi jetën në duart e mjekëve te spitali i Traumës.
Brenda në komisariat iu vunë prangat efektivit 25-vjeçar i cili në rrëfimin përpara grupit hetimor ka thënë se viktima e bullizonte prej një kohe të gjatë.
Ludian Zaimi kishte rreth një vit që shërbente në Policinë e Shtetit, ndërsa Çaush Saliasi vinte nga një karrierë e gjatë. Ai ishte pjesë e strukturave të Policisë prej më shumë se 20 vitesh.
