Esat Mala është prej lojtarëve më të rëndësishëm të Partizani. 23- vjeçari u largua nga të kuqtë në fundin e sezonit të shkuar për te Giresunspor në Turqi. Megjithatë gjërat nuk zgjatën shumë, pasi Mala u kthye sërish në Shqipëri te Partizani, kësaj here si huazim.
Në 34 paraqitjet e tij, numëron 2 gola dhe 6 asistë në kampionat, duke qenë titullar i padiskutueshëm. Me fundin e këtij sezoni, Partizani duhet të mendojë për rinovimet dhe nënshkrimet e reja sepse Kupat e Europës janë afër.
Esat Mala ka treguar në emisionin Rubrika Sportive se duke qenë në huazim, me fundin e sezonit dhe ai duhet të largohet. Gjithsesi gjithçka mbetet e hapur, pasi dëshira e tij për të qëndruar me Partizanin qëndron.
E ardhmja? “Para Europës duhet të kthehem në klubin turk të Girensuspor sepse fillojnë përgatitjet. Nuk i dihet. Te Partizani kam bërë gjithato vite, dëshira qëndron. Prandaj duke parë, duke bërë”, u shpreh Mala.
