Prezantuesja televizive australiane, Erin Jjayne Plummer, ka ndërruar jetë në moshën 42-vjeçare. Ngjarja e rëndë që i ka tronditur të gjithë ka ndodhur këtë fundjavë. Shkaku i vdekjes së Erin nuk është bërë i ditur.
Ajo la pas bashkëshortin dhe 3 vajza të vogla.
Duke konfirmuar vdekjen e yllit, kolegia e shkatërruar e Erin në Channel 10, Sarah Harris, e përshëndeti atë si “mama me medalje ari” në një homazh emocionues.
Ajo i tha shikuesve: “Kemi një lajm vërtet të trishtuar për të ndarë këtë mëngjes. Gjatë fundjavës “Studio 10” humbi shkëlqimin e mikes tonë Erin e cila ndërroi jetë papritmas. Për dy dekada, Erin Jayne ka qenë një fytyrë miqësore dhe e njohur në televizionin australian, për shumë prej tyre ajo ka ndriçuar mëngjeset tona me personalitetin dhe buzëqeshjen e saj.”
Erin Jayne ishte një personazh shumë i famshëm televiziv në Australi. Përpos televizionit ajo ishte edhe një notare e zonja që përfaqësoi Australinë në tre kampionate botërore.
Erin fitoi 11 tituj kombëtarë. Ajo u vu në qendër të vëmendjes në një moshë të re kur u vëzhgua në plazhin Manly të Sidneit dhe u përfshi në një fushatë turistike që u shfaq në NBC në Amerikë.
