I pranishëm në Tiranë, ministri i Jashtëm, Nikos Dendias bëri me dije se vendi i tij do të dërgojë në Hagë çështjen për detin me vendin tonë.
Ai tha se përmbushja e kësaj procesdura ka shumë rëndësi dhe duam ta zgjidhim këtë të drejtë ndërkombëtare.
“Tirana është stacioni im i parë në turin tim të Ballkanit Perëndimor. Unë shoh se do të kemi edhe një takim me kryeministrin Edi Rama. Kam gëzim që jam këtu dhe të njoftoj për përcjelljen e delimitimit të çështjes për zonat detare dhe shelfit kontinental në Hagë. Përmbushja e kësaj procedura ka shumë rëndësi dhe duam ta zgjidhim këtë të drejtë ndërkombëtare. Përtej rëndësisë që ka për dy vendet tona, dërgohet edhe një mesazh i qartë për vendet e tjera që kjo është mënyra e duhur për të zgjidhur këto çështje. Ne do të depozitojmë sa më shpejt dokumentet në Hagë. Marrëdhëniet tona janë zhvilluar shumë mirë madje abrokimi i ligjit të luftës është diçka që duhet të shkëputemi dhe të përmbyllet sa më shpejt”, tha ai gjatë një konference me ministren e Jashtme Olta Xhaçka.
Kjo e fundit zbardhi temat e diskutimit në një takim mes të dyve zhvilluara para konferencës për mediat.
“Sot ramë dakord me vullnet të përbashkët të punojmë bashkarisht për të adresuar të gjitha problemet që duhen zgjidhur dhe në interest ë dy vendeve tona. Temë diskutimi ka qenë dhe përmirësimi i jetesës së mbi 600 mijë shqiptarë. Diskutuam mbi adresimin e çështjeve që lidhen me mbrojtjen sociale, sigurimet shoqërore dhe çështje të tjera që lehtësojnë lëvizjen dhe jetën e shtetasve shqiptarë në Greqi.Duhet të punojmë më shumë për rritjen e shkëmbimeve tregtare dhe ekonomike Një temë diskutimi ka qenë dhe delimitimi i zonave detare që paraqet interest ë veçantë për të dy vendet tona Rikonfirmuam vullnetin tonë për kërkimin e një kompromisi për të referuar çështjen tek një palë e tretë gjyësore si Gjykata Ndërkombëtare e Drejtësisë në Haga. Shpresojmë që vullneti për të gjetur një zgjidhje të pranuar reciprokisht në një çështje kaq të vështirë si ajo e hapësirave detare mund të shërbejë si një qasje konstruktive me të cilat vendet tona mike mund të nisin diskutimet edhe për çështje të tjera sado të vështira që kemi trashëguar nga historia e periudha tragjike e luftës së dytë botërore, si nevoja për abrogimin e ligjit të luftës apo çështjet etë drejtave të pronësisë apo të drejtave të njeriut të komunitetit çam, tha ministrja.
