Ivan Zazzaroni komenton fitoren e titullit nga Milani në faqet e “Corriere dello Sport”: “Djalli zjarr, por Interi ishte më i fortë. Juve, çfarë gabimesh!” Drejtori i gazetës romake ka uruar kuqezinjtë, të cilët i janë rikthyer suksesit pas 11 vitesh.
“Ditë e shkëlqyer, e jotja, sepse e le pas Interin. Dhe ishte një Inter më i fortë se ti”, – i drejtohet skuadrës së Piolit. Merita të mëdha edhe për Stefano Piolin: “Trajneri që sipas disave ‘nuk shton as heq’, por që përfaqëson diçka unike për një futboll që formatohet gjithnjë e më shumë si i yni”.
Komenti përfshin edhe një tjetër antagonist të kuqezinjve, Juventusin, i cili përfundoi në vendin e katërt: “Juve, gjithmonë antagonisti kryesor i Serie A. Duke u nisur nga një tjetër sezon, skuadra torineze ka bërë një sërë gabimesh që i kanë kushtuar shumë.
Dhe më pas e gjen veten duke rishqyrtuar kritikat që e shoqëruan. Fabio Paratici në fazën e “divorcit”. Futbolli mund të jetë i pakëndshëm dhe hakmarrës, nëse mendoni vetëm për Conten që e ktheu Tottenhamin në Champions League, duke mbyllur portën në Norwich, me dy golat e Kulusevskit dhe dy asistet e Bentancur”.
Nga ana e tij, Mario Sconcerti, drejtori i “Corriere della Sera” u ndal te titulli i 19-të i Milanit: “Pse ka pasur gjithmonë dyshime për Milanin? Pse ka pasur gjithmonë shumë komplimente për Piolin, por duke kujtuar se Interi ishte akoma më i fortë?
Për shkak se Interi sapo kishte fituar kampionatin, tashmë kishte siguruar kompletimin e tij, ndërsa Milani nuk e kishte gjetur ende “busullën”. Ne menduam kështu, por gabuam. Në fakt, ishte e kundërta. Pikërisht në këtë pikë, Milani u bë një skuadër e vërtetë e Serie A. Në këtë pikë edhe Pioli përfundoi kryeveprën e tij.
Piolin e njoh prej kohësh, nuk ka qenë asnjëherë teknik i parëndësishëm. Gjithmonë ka sjellë shumë në skuadrat ku ka qenë, edhe tek Interi, ku nuk ishte jashtë pozicionit, sepse Interi ishte jashtë skenës.
Te Milani ai gjeti lojtarë të rinj, të gatshëm për t’u përmirësuar, e vendosi marrëdhënien trajner-lojtar-klub në ndershmëri reciproke. Tani ka një ekip të kompletuar, të bukur dhe lojë ansambli. Një ekip i madh lindi, u desh pak kohë, por tani është i bukur”.
