Janë numëruar votat e para të demokratëve në vend, në disa qytete të Shqipërisë për zgjedhjen e kryetarit të PD-së.
Në Roskovec, Sali Berisha ka marrë 433 vota, kurse Ibsen Elezi ka marrë 39 vota e 4 kanë dalë të paligjshme.
Në Gramsh, Berisha kryeson me 353 vota, ndërsa Elezi ka marrë vetëm 17 vota.
Edhe në Dibër Berisha kryeson bindshëm me vota kundër Elezit.
Në Cërrik, ish-kryeministri Berisha kryeson bindshëm me 337 vota kundrejt 14 të Ibsen Elezit.
Në Lezhë, Sali Berisha ka marrë 1057 vota të demokratëve, kurse Elezi vetëm 128 të tilla.
Në Klos, Berisha ka marrë 429 vota, kurse 9 ka marrë Ibsen Elezi.
Në Pogradec Berisha ka marrë 484 vota ndërsa Elezi 32 vota.
Votat janë numëruar edhe në Skrapar ku rezulton se Berisha ka fituar me 91 vota, ndërsa Elezi mori 3 vota.
Nga numërimi i votave në qytetin e Burrelit mësohet se Berisha fitoi me 490 vota, Elezi 31 vota ndërsa 5 të pavlefshme.
Në Devoll, Sali Berisha ka fituar 1082 vota, kundrejt 135 të Ibsen Elezit.
Edhe në Kucovë e në Selenicë, Sali Berisha kryeson bindshëm garën për kreun e PD-së. Në Kucovë, Berisha ka marrë 437 vota kundrejt 45 që ka marrë Elezi.
Ndërsa në Selenicë, Sali Berisha fitoi 198 vota.
