PS dhe PD nuk e zbatuan marrëveshjen e arritur me konsensus për procesin e zgjedhjes së presidentit të ri.
Ashtu si në raundin e parë të dielën e kaluar, edhe ditën e sotme ‘skadoi’ afati i dorëzimit të kandidaturave. Nga palët ishte rënë dakort që deri në orën 16:00 sot PD të kishte dorëzuar emrat, gjë e cila nuk ndodhi.
Para ca ditësh, në mbledhjen ku u diskutua për këtë proces të rëndësishëm, u ra dakort që opozita të jepte emrat në dy raundet e para dhe më pas të propozonte mazhoranca.
Ende nuk ka asnjë emër për në fletën e votimit, dhe procesi i zgjedhjes së presidentit të ri të Republikës është shtyrë.
