Gjykata e Posaçme ka dhënë masën e sigurisë ‘arrest me burg’ për Henrik Hoxhajn. I cilësuar si bashkëpunëtor i Nuredin Dumanit, Hoxhaj akuzohet për 7 ngjarje.
Po ditën e sotme, masa arrest me burg i është komunikuar në spital edhe Nuredin Dumanit. Mbi të rëndojnë akuza për 17 ngjarje.
Hoxhaj u arrestua bashkë me Dumanin më 29 mars 2022 në qytetin e Fierit, pas atentatit që ranë pre e u plagosën të dy.
Referuar dosjes hetimore, ai është një nga bashkëpunëtorët më të afërt të Dumanit, me të cilin ka mbajtur kontakte si në Kosovë, ashtu dhe në Shqipëri.
Në dëshminë e tij, Dumani i referohet shpesh Enrik Hoxhajt si Riku.
