Një aksident me një të plagosur rëndë ka ndodhur orët e para të kësaj të Shtunë në Korçë.
Policia njoftoi se rreth orës 01:10, në lagjen nr. 1, shtetasja S.C., banuese në Korçë, duke drejtuar mjetin tip “Smart”, dyshohet se ka humbur kontrollin e mjetit dhe ka dalë nga rruga.
Për pasojë, shtojnë të njëjtat burime, është dëmtuar drejtuesja e mjetit, e cila pas ndihmës së marrë në Spitalin e Korçës, u transportua në Tiranë për mjekim më të specializuar.
Grupi hetimor po punon për zbardhjen e shkaqeve të aksidentit, mbyllet njoftimi i bluve.
