Prokuroria e Elbasanit njofton se ka përfunduar hetimi dhe është dërguar për gjykim dosja për ngjarjen e ndodhur më datë 02 Tetor 2021 në një lokal të Elbasanit, ku si pasojë e një sherri mbeti viktimë kryekamarieri Gazment Kurmaku.
Prokuroria e Elbasanit ka marrë dy të pandehur:
- Erjon Llapushin, hetuar më masën e sigurimit “Arrest në burg”, akuzuar për veprën penale të “Vrasjes me dashje”.
- Luan Dulellari, hetuar me masën e sigurimit “Arrest në burg”, akuzuar për veprat penale të “Moskallëzimit të krimit” dhe “Përkrahjes së autorit të krimit”.
Ngjarja ka ndodhur në ambientet e subjektit “Rozafa Fish” në Labinot të Elbasanit, në pronësi të Gjergj Lucës. Në vazhdën e një konflikti mes disa klientëve dhe punonjësit të restorantit të quajtur Gazmend Kormaku, ky i fundit është goditur me grusht nga Erjon Llapushi. Si pasojë Kormaku ka humbur jetën më 7 Tetor.
