Lidhja e vajzës së Niko Peleshit, Aleksias dhe Romeo Veshaj, ka qenë shumë e përfolur në media.
Së fundmi, Aleksia, e ftuar në “Wake Up”, ka hedhur një kunjë të fortë për ish të dashurin e saj Romeo Veshajn dhe ka deklaruar se nuk e ka dashuruar kurrë.
Pjesë nga intervista:
Të bezdisin lajmet në portale, që je përfolur shumë kohët e fundit?
“Më bezdis sepse jam nxituar duke folur më shumë se ç’duhet. Njerëzit nuk kanë pse t’i dinë të gjitha. Për këtë i kam rënë pak pishmanit. Por ç’ndodhi, ndodhi.”
Si je tani me punët e zemrës?
“Njeriu reflekton, kupton më shumë për veten. Unë kam kuptuar se unë nuk kam qenë ndonjëherë realisht e dashuruar, kam qenë e dashuruar me idenë e të pasurit dikë në krah që të dashuron verbërisht. Ose kam qenë e dashuruar me idenë e krijimit të një familjeje sa më shpejt, por kurrë e dashuruar me një njeri. Nuk ma ka bërë zemra ‘bam’,” ka thënë ajo.
Mendon të marrësh pjesë në “Big Brother VIP”?
“Më ka ngelur pak peng që nuk u futa vjet. Më kanë penguar njerëzit e mi të cilët pyeta. Për vitin tjetër besoj se po. E kam me qejf.”
