Prokurorët ukrainas të enjten kërkuan që një ushtar rus, i cili dëshmoi se qëlloi një civil me urdhër të një oficeri, të marrë një dënim të përjetshëm.
Vadim Shishimarin, duke u përballur me gjyqin e parë për krime lufte që nga fillimi i luftës në Ukrainë, u akuzua se qëlloi një 62-vjeçar në kokë përmes një dritareje të hapur makine në një fshat në rajonin verilindor Sumy, më 28 shkurt, katër ditë pas pushtimit.
Shishimarin, i cili është pranuar fajtor për akuzat, dëshmoi të enjten se ai qëlloi një civil me urdhër të dy oficerëve dhe u lut që e veja e viktimës ta falte atë.
Ushtari 21-vjeçar i tha një gjykate në Kiev se oficeri këmbënguli se ukrainasi, i cili po fliste në celularin e tij, mund të tregonte vendndodhjen e tyre tek forcat ukrainase.
Duke u dukur i nënshtruar, rreshteri rus tha se në fillim nuk iu bind urdhrit të komandantit të tij të menjëhershëm për të qëlluar civilin e paarmatosur, por nuk kishte zgjidhje tjetër veçse të ndiqte urdhrin kur ai u përsërit me forcë nga një oficer tjetër.
