Këngëtarja e famshme shqiptare, Dua Lipa do të pushtojë Hollywood-in pasi mori një rol në filmin “Barbie” së bashku me mbretëreshën e aktrimit, Margot Robbie. Filmi do të nisë xhirimet këtë vit në Mbretërinë e Bashkuar dhe Dua do të luajë së bashku me aktoren e “Wolf Of Wallstreet”, Margot.
Këngëtarja me origjinë shqiptare bëri debutimin e saj në aktrim vitin e kaluar pasi mori një rol në “Argylle”, dhe pas rolit të saj të parë në ekranin e madh, Dua la mjaft përshtypje te emrat e mëdhenj të industrisë.
Burimi shtoi për The Sun: “Tani ajo i është bashkuar kastit të Barbie së bashku me emra të mëdhenj duke përfshirë Margot, Ryan Gosling, Will Ferrell dhe Saoirse Ronan. Edhe pse Argylle është një film i madh në vetvete, Barbie do të jetë një pjesë e rëndësishme për Duan, sepse ka kaq shumë zhurmë rreth tij. Dua po dëshmon se ka shumë më tepër për të sesa thjesht të qenit një yll i muzikës pop. Ajo ka një të ardhme emocionuese përpara saj në filma”.
