Milan Mirosavljev ishte një nga afrimet e Partizanit në muajin janar, por pritet të jetë gjithashtu një nga largimet e para në fundin e këtij sezoni.
Sulmuesi serb nuk ishte brenda pritshmërive të stafit teknik dhe nuk mundi të fitojë në asnjë moment shansin për të nisur një ndeshje si titullar me skuadrën e kuqe.
Aktualisht, ai pret vetëm t’i shlyhen detyrimet kontraktuale deri në fund të sezonit, për t’u larguar më pas, pavarësisht se kontrata e firmosur mes tij dhe klubit skadon në verën e vitit të ardhshëm.
Mirosavljev është aktivizuar në 10 ndeshje me Partizanin dhe ka arritur të shënojë vetëm një gol ndaj Teutës, teksa ka dhuruar edhe 2 asiste, shumë pak për pritshmëritë e klubit.
